Lokale omroep organisatie ooststellingwerf

Frequenties: Ether: 106,9FM | Ziggo 923 | KPN 1196 | Delta 800 | Kabelnoord 814

Harmen Houtman wint de H.J. Bergveldpries
Gepost op: 8 maart 2024

De Stellingwarver schriever Harmen Houtman krigt op maendagaovend 25 meert tiedens een feestelike bi’jienkomst in de karke van Berkoop de H.J. Bergveldpries uutrikt.
De jury brengt op de feestelike aovend uutgebreid verslag uut van heur bevienings, mar wil alvast mitdielen dat de pries niet alliend toekend wodt veur de verhaelebundel As ik kiezen moch van Harmen Houtman uut 2018, mar ok veur meer as vuuftigjaorig schrieverschop en et op een bried terrein bruken van et Stellingwarfs.

Sund 1982 wodt de H.J. Bergveldpries veur de negende keer uutriekt. De pries bestaot uut de penning die deur beeldhouwer en medailleur Guus Hellegers destieds maekt is, uut een geldbedrag en uut een biezunder cultureel pergramme.
Et bestuur benuumde in de haast van 2023 Ingeborg Nienhuis, Peter Hiemstra en Pieter Jonker as jury van de pries. Zi’j nammen de tied om een oordiel te geven over alle Stellingwarver publikaosies en producties uut de periode 2017 tot en mit 2022.

Harmen Houtman (Nijeholtpade 1951) schrift al sund zien jeugd. An et begin van de zeuventiger jaoren in dezelde tied dat de Stellingwarver Schrieversronte uut aende zette, begon hi’j mit schrieven in et Stellingwarfs.

In 1980 verscheen zien eerste dichtbundel Weerzien, in 1983 Laot him niet valen, een kiendertenielstok in drie bedrieven. Laeter wodden de dichtbundels Veur de vorm (1994) en Dichterbi’j (2008) uutbrocht. In 2018 kwam de bundel As ik kiezen moch… uut, een bundel mit veural persoonlike, ontroerende verhaelen.
Jaorenlang leverde Houtman ok bi’jdregen an de Stellingwarver Spreukekelinder. Verhaelen en gedichten van him kuj’ nog altied geregeld lezen in et tiedschrift De Ovend en op de bladziede Stellingwarver Zaeken van de beide Stellingwarver kraanten. Houtman het ok zo’n 400 lietteksten schreven veur onder eren The Flying Stars, Lammy Bruyns en Vroukje en Jeannette mar bi’jgelieks ok veur et straottheater De verdwenen peerden in 2018.
De H.J. Bergveldpries is niet de eerste keer dat Houtman een pries wint mit zien schrieveri’je. Zo wun hi’j in 2006 de Stellingwarver Schriefwedstried mit zien ienakter: Een hiete dag. In 2016 wun hi’j de eerste pries in de verhaelewedstried van STEM (Stichting Taalpodium Emmen) mit et verhael Een zaacht vellegien.

In 2022 vertaelde hi’j et kienderboek De boom met het oor van Annet Schaap in et Stellingwarfs: De boom mit et oor.
Houtman schrift ok geregeld teksten in et Fries en Nederlaans. Op www.stellingwarfs.nl kuj’ een stokmennig verhaelen en gedichten lezen van Harmen Houtman.

De H.J. Bergveldpries is begin jaoren ’80 opzet deur de gemienten Oost- en Weststellingwarf. Ze hebben laeter de verantwoordelikhied veur de pries en de orgenisaosie bi’j de Stichting Stellingwarver Schrieversronte legd. Eerst was de pries twiejaorliks. Laeter wodde besleuten dat de pries ien keer in de zes jaar uutriekt wodt. De pries wodde toekend an Hendrik Vondeling (1982), Johan Veenstra (1984 en 1991), Pieter Jonker (1986), Fokke Middendorp (1996), Henk Bloemhoff (2003), de Stichting Stellingwarver Schrieversronte (2009) en Ruurd Jelle van der Leij en Freddie de Vries (2016).

Et doel van de pries is et anvieteren van et verzorgd bruken van et Stellingwarfs in verschillende domeinen, et mitwarken an et uutbouwen van de Stellingwarver kultuurtael en et mitwarken an een betere gruui en bluui van et Stelllingwarfs. Bergveld (1902-1966) zol niet aanders wild hebben, zuwwe mar zeggen.

Snellingerdijk 39,
8431 EJ Oosterwolde
Telefoon ’s avonds na
18.00 uur : 0516-520770
(b.g.g.: 06 8232 0148)

Mail met de redactie: info@omroepodrie.nl

UITZENDFREQUENTIES:
ETHER: 106,9FM
ZIGGO 923
KPN 1196
DELTA 800
KABELNOORD 814

Overige berichten lezen:

Aanpak fietspaden bij Bakkeveen: fase 2 van start

Aanpak fietspaden bij Bakkeveen: fase 2 van start

Deze zomer is er werk aan twee fietspaden bij Bakkeveen. Het gaat om het fietspad bij Duursma’s dobbe (15 juli tot 2 augustus) en de Beakendyk bij De Slotpleats, vanaf de Duerswâldmerwei tot aan de Boskwei (19 augustus tot 27 september). Aannemer Strukton Wegen &...

Geef je oren en neus de kost, er gaat een wereld voor je open

Geef je oren en neus de kost, er gaat een wereld voor je open

Speciaal voor blinden, slechtzienden, doofblinden en hun begeleiders,houden wij op donderdag 18 juli 2024 een excursie. In de zomer barst de natuur van geuren en geluiden. Geurende bloemen langs het pad, veldleeuweriken zingen het hoogste lied, allerlei soorten...

Ontdek de bossen rond het Lunsveen

Ontdek de bossen rond het Lunsveen

Ga op 17 juli 2024 mee en beleef de Bossen rond het Lunsveen. De excursie is van 19:00 uur tot 21:00 uur en start op de Parkeerplaats Lunsveen aan de Lunsveenweg in Boswachterij Gieten-Borger. (De kleine parkeerplaats is bereikbaar door ter hoogte van Rolderstraat 9...

WILD OP WOENSDAG

WILD OP WOENSDAG

Op avontuur in de natuur Op woensdag 17 en 24 juli kun je onder leiding van natuurgids Wietze van Staatsbosbeheer de wilde natuur ontdekken in het Drents-Friese Wold. De gezinsexcursie Wild op woensdag wordt in de zomervakantie meerdere keren georganiseerd en is leuk...

   BOSSAFARI 16 JULI

  BOSSAFARI 16 JULI

Ga op dinsdag 16 juli mee met de gids van Staatsbosbeheer en ontdek de natuur op een bijzondere manier! Tijdens de Bossafari ga je de natuur beleven met al je zintuigen. Onderzoek de boomtoppen, maak samen een geurcocktail en ontdek de honderden kleuren van het bos of...

ZOMERAVONDWANDELING AEKINGERZAND

ZOMERAVONDWANDELING AEKINGERZAND

In de zomervakantie organiseert Staatsbosbeheer elke donderdagavond een wandeling in het Drents-Friese Wold. Op donderdag 18 juli wandelen we over het Aekingerzand, het grootste stuifzandgebied in Noord-Nederland.   Wie kent niet het Aekingerzand, ofwel de Kale...

KOM HONING SLINGEREN BIJ DE BIJENDAG

KOM HONING SLINGEREN BIJ DE BIJENDAG

Op zondag 14 juli wordt bij het Buitencentrum Drents-Friese Wold een bijen- en imkerdag gehouden. Deze dag is een samenwerking tussen Staatsbosbeheer en Imkersvereniging Ooststellingwerf in het kader van de Open Imkerijdagen, die in dit weekend door het hele land...

MIDZOMERKLANKEN IN HET WOLD

MIDZOMERKLANKEN IN HET WOLD

Op zaterdag 13 juli organiseert Staatsbosbeheer een bijzondere avondwandeling in het Drents-Friese Wold. Deze wandeling wordt afgesloten met een meditatief klankconcert door Giny ten Brummelhuis en Mariet Keuning. Een gids neemt de deelnemers mee voor een ontspannen...

Geniet van het NP Drentsche Aa per scootmobiel

Geniet van het NP Drentsche Aa per scootmobiel

Verken 12 juli 2024 per scootmobiel of fiets het Nationaal Park Drentsche Aa rond Zuidlaren. Een gebied vol landschappelijke schoonheid en met een rijke cultuurhistorische geschiedenis. Op diverse interessante punten vertellen Nationaal Park gidsen over de samenhang...

Ontdek de charme van de landgoederen Eelde-Paterswolde

Ontdek de charme van de landgoederen Eelde-Paterswolde

Ontdek op 13 juli 2024 van 14:00 tot 16:00 de charme van de landgoederen Eelde-Paterswolde. Start is op de Parkeerplaats bij Museum Vosbergen, Vosbergenlaan 35 te Eelde. Midden in de landgoederengordel van Eelde-Paterswolde, aan de rand van het stroomdal van de...

Ga naar de inhoud