In de veertiende uutzending van Huus en Hiem ontvangen we Désiree Dijkstra van Stichting Stiekm Trots. De stichting is opricht om ondernemers uut Weststellingwarf an mekeer te bienden en om te laoten zien waor awwe as Stellingwarvers trots op wezen meugen. D’r is een webstee mit een protte infermosie over ondernemers, aktiviteiten in de regio en tips om te doen aj hier wonen of op vekaansie binnen. Kot leden is d’r een tiedschrift uutbrocht waor ok een protte van disse infermaosie in te vienen is. Mooi om van Désiree te heuren dat et broest in de Stellingwarven en dawwe daor hiel trots op meugen wezen.
Huus en Hiem is elke zundagmorgen om 11.00 ure te beluusteren bi’j Odrie.
De uutzending wod op vrijdag om 16.00 ure herhaeld.
Via de ether is Odrie te heuren op 106.9 FM.
Digitaal kuj’ luusteren via Ziggo 923 | KPN 1196 | Delta 800 | Kabelnoord 814
As podcast kuj’ de uutzending luusteren via de bekende podcast kanalen.
