"In Twielochten"

Home
Radiogids
Organisatie
Muziek
Informatie
     Gemeenteraad
     Siwa Lima
      In Twielochten
Sport
Terug luisteren
Vacatures
Links
Archief
Sponsors
Contact

 

 


’In twielochten’: ni’j Stellingwarfs radiopergramme



‘In twielochten’ betekent in schiemerdonker ( Sietske Bloemhoff)

’In twielochten’: dat is de naeme van een hiel ni’j Stellingwarfs radiopergramme dat van 8 november of wekeliks uutzunnen wodden zal. Et initiatief veur et ni’je pergramme komt van de Stellingwarver Schrieversronte. Et pergramme zal op de vri’jdagaovend tussen 18.00 en 19.00 ure uutzunnen wodden zal, daor verwist ok de naeme van et pergramme naor. ‘In twielochten’ is een Stellingwarver anduding van de tied van schiemerdonker, zo tussen et aende van de middag en et begin van de aovend. De anduding is te vergelieken mit et Engelse ‘twilight’, et Nederlaans kent disse benaeming niet.
In ‘In twielochten’ zal d’r ommedaenken wezen veur tal van Stellingwarfstaelige en kulturele onderwarpen. Daorbi’j moet docht wodden an verhaelen en gedichten, meziek, een Stellingwarfs heurspul, biezunderheden over de tael, een kulturele agenda, een wekelikse kollum, een wekelikse taelvraoge, Stellingwarver recepten, biezunderheden uut de netuur en gao zo nog mar evenpies deur. In et pergramme zullen d’r butendat verschillende onderwarpen wezen veur alle leeftieden, veur kiender krek lieke goed as veur oolderen.
An et pergramme zullen tal van schrievers, dichters, veurlezers en verslaggevers een bi’jdrege leveren gaon; sommigen wekeliks, eren ien keer in de twie weken en nog weer eren ien keer in de maond. Veur de prissentaosie zorgen, elk om de weke, Kjest Herder en Sietske Bloemhoff; zi’j bepaolen ok de meziekkeuze. De techniek wodt verzorgd deur Kjest Herder en Evert Sikkema.